Story of an Acid Victim Girl

Posted on November 7, 2015 at 3:55 AM

Story of an Acid Victim Girl

Chalo, Fenk Diya

So Fenk Diya …

Ab kasoor bhi bata do mera

 

Tumhara Izehar Tha…

Mera inkar tha

Bas iss baat pe funk diya Chehra mera…?

 

Galati thi sayed meri..

Tere pyar ko Main Pahechan na saki

Itna jyada pyar karte the..

Main samjh na saki…

 

Ab galti manti hoon…

Mujhe tera pyar savikar hai…

Chalo ab fir se tum izehar karo

Sanch kahti hoon

Iss baar Mera inkar na hoga…

 

Mere chehara bigad gaya hai…

Kuch maans ke tukda

Idhar se udhar Bikhar gaya hai…

 

Ao mujhe apna lo…

Pyar karo… mera gum bhula do…

Ao mujhe ek baar fir se Jeeldo…

Tum kar sakte ho…

Kyun ki Tumhara Pyar sancha hai…

Main hi murkh thi

Mera dil nadan baccha hai…

Ao mujhe apna lo…

 

Tum mere ek pal ke Didar ke liye

Ghanto raah dekhte the…

Mujh se nazare milane ke liye…

Humesha bekarar rahte the…

 

Dekho mere ankho mein

Mujhe jee bhar ke dekho…

Aur ek baar fir se mujh se kah do…

Main tum se pyar karta hoon…

 

Tum kuchh kyu bolte nahi…

Kya payr tera jhoota tha…

Kya tumne mujhe kabhi chaha hi nahi…

 

Mana tum gusse mein the..

Tezab ka kasoor

Wo tere mahbooba ka chehara jhulsa siya…

Chalo gussa thuko

Mujhe apna bana lo…

 

Main teri chupi samjh gayi..

Tera pyar nahi sirf ek natak tha…

Ek dikhawa tha… ek chhalawa tha..

 

 

Sayed iss janam mein

Tu mujhe nahi apna sakta

Dua hai meri…

Agale janam mein tere ghar

Beti ban kar aau…

Tera Dher Sara Pyar Pau…

Aur fir tere jaisa koi mujhe

Ashiq mile…

Jo tum se bhi jyada mujhe payar kare…

Aur fir se mera chehra jhulsaye…

 

Shayed tab tujhe kuchh samjh aye

Ki ter wajah se

Sirf main nahi mera pariwar jhulas gya hai…

Humara duniya badal gya hai..!!

 

 

 

Get Updates In Email Daily

By: lcuser456852
No Comment